რომელ ადგილზეა კვარაცხელია მსოფლიოს ყველაზე ძვირადღირებულ ფეხბურთელებს შორის

CIES-ის საფეხბურთო ობსერვატორიამ მსოფლიოში ყველაზე ძვირადღირებული ფეხბურთელების 30-ეული გამოაქვეყნა.

სასიხარულოა, რომ ჩამონათვალში მოხვდა "ნაპოლისა" და საქართველოს ნაკრების 22 წლის ვარსკვლავი, ხვიჩა კვარაცხელია. "პარტენოპეის" 77-ე ნომერი 115 მილიონ ევროდაა შეფასებული.

სიაში კვარაცხელიამ 21-ე ადგილი დაიკავა. იგი ისეთ ფეხბურთელებს უსწრებს, როგორებიც რაფაელ ლეაუ, კაი ჰავერცი, კილიან მბაპე და ვილიამ სალიბა არიან.

გასაკვირი არ იქნება თუ გეტყვით, რომ ხვიჩა სერია ა-ს ყველაზე ძვირადღირებული მოთამაშეა. მასთან ყველაზე ახლოს "მილანის" პორტუგალიელი შემტევი, რაფაელ ლეაუა - იგი 114 მილიონი ევრო ღირს და 22-ე ადგილს იკავებს.

მიმდინარე სეზონში კვარამ "ნაპოლის" მაისური 24 მატჩში მოირგო, გაიტანა 5 გოლი და გააკეთა 4 ასისტი.